केज दि.८ – तालुक्यातील साळेगाव शिवारातील दस्तगिर माळ भागातील खदाणीत बुडून दोन बालकांचा मृत्यू झाल्याची घटना शुक्रवारी चारच्या सुमारास निदर्शनास आली आहे.
अनिल बबन पवार व प्रकाश बबन पवार (रा.चिंचोली माळी) असे बुडून मृत्यू पावलेल्या दहा वर्षीय आतील दोघा भावंडांची नावे आहेत. सदरील बालके नेमके त्या ठिकाणी का गेले होते ? घटना नेमकी कशी घडली ? हे अद्याप स्पष्ट झालेले नसून पोलीस तपासात निष्पन्न होईल.
दरम्यान सदरील घटनेची माहिती होताच केज पोलीस ठाण्याचे पीएसआय दादासाहेब सिद्धे, प्रमोद यादव, पोलीस कर्मचारी अमोल गायकवाड, अशोक नामदास, धन्यपाल लोखंडे, शिवाजी शिनगारे यांनी घटनास्थळी धाव घेऊन खदाणीतून बालकांचे मृतदेह बाहेर काढून केजच्या उपजिल्हा रुग्णालयात उत्तरीय तपासणीसाठी पाठवले आहेत.