केज दि.२६ – वडवणी तालुक्यातील उपळी हायस्कूल उपळी येथील ज्येष्ठ शिक्षक शिवशंकर मारुती राऊत यांना द स्कूल एक्स्प्रेस बीड यांच्यामार्फत दिला जाणारा मानाचा आदर्श शिक्षक पुरस्कार शिक्षक दि २४ ऑक्टोबर रोजी शिक्षक आमदार विक्रम काळे यांच्या हस्ते प्रदान करण्यात आला.
आतापर्यंत केलेल्या सेवेत त्यांनी विविध उपक्रम राबवत ग्रामीण भागातील विद्यार्थ्यांचा सर्वांगीण विकास करण्यावर भर दिला असून विद्यार्थी प्रिय शिक्षक म्हणून त्यांची ओळख आहे. सामाजिक कार्यात सदैव तत्पर राहणारे शिवशंकर राऊत यांना पुरस्कार प्राप्त झाल्यामुळे महात्मा फुले शिक्षण प्रसारक मंडळाचे सचिव शेख मयूर, शाळेचे मुख्याध्यापक भागवत बडे, शिवशंकर घाडगे, प्रकाश गोरे, भागवत सावंत, अशोक जाधव, हनुमान बडे, सादेक शेख, इचके रामप्रसाद, जफर शेख यांनी अभिनंदन केले आहे.