केज दि.४ – शहरातील प्रसिद्ध व्यापारी सतीश पुरुषोत्तम चिद्रवार यांचे वयाच्या ७३ व्या वर्षी अल्पशा आजाराने निधन झाले.
मूळ गाव धारूर असलेले सतीश चिद्रवार हे मागच्या कित्येक वर्षांपासून केज शहरात एक नामांकित व्यापारी म्हणून परिचित होते. ते मागच्या कांही महिन्यांपासून आजारी होते. त्यांच्यावर लातूर, सोलापूर इत्यादी ठिकाणी उपचार करण्यात आले. परंतु दि.४ रोजी बीड रोडवरील त्यांच्या राहत्या घरी त्यांची प्राणज्योत मालवली.
त्यांच्या पश्चात पत्नी, तीन मुलं, एक मुलगी, सुना, नातवंडे असा मोठा परिवार असून शहरातील क्रांतीनगर स्मशानभूमीत त्यांच्यावर रात्री ९.३० वाजता अंत्यसंस्कार करण्यात येणार आहेत. यावेळी धारूर आणि केज परिसरातील असंख्य लोक उपस्थित होते. ते पत्रकार सुहास चिद्रवार यांचे वडील होत.