अंबाजोगाई दि.1 – पत्रकार संघ,अंबाजोगाई यांच्या वतीने दिल्या जाणा-या कै.भिकाभाऊ राखे स्मृती पत्रकारिता पुरस्कारासाठी संजय मालाणी (कार्यकारी संपादक,दैनिक प्रजापञ,बीड.) तर कै.धनंजय गद्रे स्मृती पत्रकारिता पुरस्कारासाठी चंदन पठाण (कार्यकारी संपादक,सायं दैनिक बीड सिटीझन,बीड.) यांची निवड करण्यात आली आहे.दोन्ही मान्यवर पत्रकारांना गुरूवार,दि.६ जानेवारी २०२२ रोजी अंबाजोगाईत दर्पण दिन कार्यक्रमात सदरील पुरस्कार प्रदान करण्यात येतील.
कार्यक्रमाचे अध्यक्षस्थानी ज्येष्ठ पत्रकार अमर हबीब हे असतील तर प्रमुख अतिथी म्हणून आमदार नमिता मुंदडा, माजी नगराध्यक्ष राजकिशोर मोदी,ज्येष्ठ कवि गणपत व्यास,पञकार संघ,अंबाजोगाईचे विश्वस्त प्रा.नानासाहेब गाठाळ,पञकार संघ,अंबाजोगाईचे विश्वस्त अशोकराव गुंजाळ इत्यादी मान्यवरांच्या हस्ते पुरस्कारांचे वितरण होणार आहे.गुरूवार,दि.६ जानेवारी २०२२ रोजी सायंकाळी ५ वाजता नगरपरिषद मिटिंग हॉल,अंबाजोगाई (जि.बीड) येथे हा कार्यक्रम आयोजित करण्यात आला आहे.