केज दि.१५ – जुन्या भांडणाची कुरापत काढून सख्या चुलत भावांनी एका तरुणावर चाकूने हल्ला करीत गंभीर जखमी केल्याची घटना केज तालुक्यातील पिंपळगाव येथे घडली. याप्रकरणी चौघांविरुद्ध केज पोलिसात गुन्हा दाखल करण्यात आला आहे.
पिंपळगाव येथील राहुल सुदाम दुनघव ( वय २५ ) हे २ मार्च रोजी सायंकाळी ६ वाजेच्या सुमारास गावात असताना जुन्या भांडणाची कुरापत काढून त्यांचे चुलत भाऊ रुपेश मधुकर दुनघव ( रा. घाटकोपर, मुंबई ) याने राहुल यांच्या पाठीमागून चाकू मारून गंभीर दुखापत केली. तर विशाल कमलाकर दुनघव याने त्यांच्या उजव्या पायावर चाकू मारून जखमी केले. कमलाकर लक्ष्मण दुनघव व नितीन मधुकर दुनघव या दोघांनी काठीने राहुल याचे वडील सुदाम यांना बेदम मारहाण करीत मुक्कामार दिला. राहुल दुनघव याच्यावर अंबाजोगाईच्या स्वामी रामानंद तीर्थ रुग्णालयात उपचार सुरू असून १० मार्च रोजी रात्री त्याने दिलेल्या फिर्यादीवरून रुपेश दुनघव, विशाल दुनघव, कमलाकर दुनघव, नितीन दुनघव ( तिघे रा. नाळवंडी रोड, बीड ) या चौघांविरुद्ध केज पोलिसात गुन्हा दाखल झाला आहे. जमादार उमेश आघाव हे पुढील तपास करत आहेत.