केज दि.१७ – शेतात नांगरण्याचा तुमचा काय संबंध ? असे म्हणत एका शेतकऱ्यास त्याचा भाऊ व पुतण्याने लोखंडी गज व कत्तीच्या मुठीने मारहाण करीत जखमी केले. तर महिलेचा विनयभंग करून जीवे मारण्याची धमकी दिल्याप्रकरणी युसुफवडगाव पोलिसात चौघांविरुद्ध गुन्हा दाखल झाला आहे.
युसुफवडगाव पोलीस ठाण्याच्या हद्दीतील एका गावातील एक शेतकरी व त्याची पत्नी हे दोघे १६ मे रोजी दुपारी चार वाजेच्या सुमारास ट्रॅक्टरने शेतात नांगरणी करीत होते. यावेळी शेतात नांगरण्याचा तुमचा काय संबंध असे म्हणत त्याचा भाऊ श्रीमंत सपकाळ, पुतण्या विशाल सपकाळ या दोघांनी लोखंडी गज व कत्तीच्या मुठीने मारहाण करीत जखमी केले. त्यानंतर या शेतकऱ्याच्या पत्नीचा वाईट हेतूने हात धरत अंगावरील कपडे फाडत विनयभंग केला. शालूबाई सपकाळ, सुप्रिया सपकाळ या दोघींनी लाथाबुक्याने मारहाण केली. त्यांना जीवे मारण्याची धमकी दिली. अशी फिर्याद ३२ वर्षीय पीडित महिलेने दिल्यावरून श्रीमंत सपकाळ, विशाल सपकाळ, शालूबाई सपकाळ, सुप्रिया सपकाळ या चौघांविरुद्ध युसुफवडगाव पोलिसात गुन्हा दाखल झाला आहे. जमादार सीताराम डोंगरे हे पुढील तपास करत आहेत.