केज दि.२३ – धारूर केज रोडवर झालेल्या अपघातात एका शिक्षकाचा मृत्यू झाल्याची घटना घडल्यानंतर अवघ्या कांही तासातच केज बीड रोडवरील सारूळ पाटीवरही एका अज्ञात वाहनाच्या धडकेत एकाचा मृत्यू झाला असून अन्य एक गंभीर आहे.
रविवारी रात्री 11 च्या सुमारास चत्रभुज रघुनाथ काशिद व मारोती नाना भाऊ भोसले यांच्या दुचाकीला अज्ञात वाहनाने धडक दिली.त्यात छञभुज काशीद यांचा मृत्यू झाला असून मारोती भोसले हे गंभीर जखमी झाले आहेत.
सदर अपघातग्रस्तांना केजच्या उपजिल्हा रुग्णालयात दाखल करण्यात आले होते. त्यात काशीद यांना मृत घोषित करण्यात आले तर भोसले यांना 108 चे पायलट अर्जुन बारगजे यांनी पुढील उपचारासाठी अंबाजोगाई ला दाखल केले आहे.