केज दि.१५ – केज-बीड रोडवर कोरेगाव जवळील लोकनेते गोपीनाथ मुंडे सूतगिरणी कडे जाणाऱ्या रस्त्या जवळ एका अज्ञात वाहनाने मोटार सायकलला दिलेल्या धडकेत दोघे गंभीर जखमी झाले आहेत.
दि. १५ जून बुधवार रोजी रात्री ९ च्या दरम्यान केज-बीड रस्त्यावर कोरेगाव जवळील लोकनेते गोपीनाथराव मुंडे सुतगिरणीकडे जाणाऱ्या रस्त्या जवळ एका अज्ञात वाहनाने मोटार सायकल क्र. (एम एच-४४/व्ही-१८१०) हिस जोराची धडक दिली. या अपघातात मोटार सायकलवरील विनोद प्रकाश राऊत वय (२६ वर्ष) रा साळेगाव ता. केज आणि त्याच्या सोबतचा तरुण गंभीर जखमी झाले आहेत.
त्यांच्यावर केज येथील उपजिल्हा रुग्णालयात प्रथमोपचार केल्या नंतर पुढील उपचारासाठी अंबाजोगाई येथील स्वामी रामानंद तिर्थ ग्रामीण रुग्णालय व वैद्यकीय महाविद्यालयात हलविले आहे. अपघाताची माहिती मिळताच पोलीस नाईक इंगोले आणि काळकुटे हे घटनास्थळी रवाना झाले आहेत.