केज दि.२४ – केज बीड रोडवर रिलायन्स पेट्रोल पंपाजवळ मोटार सायकल आणि पीक-अपचा अपघात होऊन त्यात मोटार सायकल वरील दोघे बहीण भाऊ जखमी झाले आहेत
अधिक माहीती अशी की, दि. २४ ऑगस्ट बुधवार रोजी ५:३० वा. च्या दरम्यान केज-बीड महामार्गावर मेथीची भाजी विक्री साठी घेऊन जात असलेले पिक अप क्र (एम एच-१६/सी डी-१२५०) याची समोरून येणाऱ्या मोटार सायकल क्र एम एच४४/ए ए ६१४३ ला धडक लागली यात मोटार सायकल वरील साक्षी भालचंद्र कापरे वय १८ वर्ष आणि अमर भालचंद्र कापरे वय १६ वर्ष रा. कापरेवाडी ता. केज या दोघांच्या उजव्या पायाच्या गुडघ्यांना गंभीर स्वरूपाचा मार लागला आहे. जखमी बहीणभावास केज येथील उपजिल्हा रुग्णालयात प्रथमोपचार करून पुढील उपचासाठी त्यांना बीड येथील खाजगी रुग्णालतात भरती केले आहे.
दरम्यान अपघातग्रस्त पिक-अपसह पळून जाणाऱ्या चालकाला नागरिकांनी पकडून चोप दिला. याच वेळी पोलिसांनी घटनास्थळी जाऊन पिक अपसह चालक अशोक बापू गोलभट (रा. महाजनवाडी ता. जामखेड जि. अहमदनगर) याला ताब्यात घेतले आहे.