केज दि.८ – तालुक्यातील काळेगाव घाट येथे पोलिसांनी छापा मारून १२ हजार ४९५ रुपयांची देशी, विदेशी दारू पकडली असून एक जणांविरुद्ध गुन्हा दाखल झाला आहे.
काळेगाव घाट येथे हॉटेल गणेश ढाबा येथे देशी व विदेशी दारूची राजरोसपणे विक्री होत असल्याच्या माहितीवरून सहाय्यक पोलीस अधीक्षक पंकज कुमावत व सहाय्यक पोलीस निरीक्षक शंकर वाघमोडे यांच्या मार्गदर्शनाखाली फौजदार वैभव सारंग, पोलीस नाईक भागवत निरडे, पो. काँ. महादेव बहिरवाळ, बजरंग इंगोले यांच्या पथकाने छापा मारला. ढाबा चालक संतोष बलभीम कोठावळे ( काळेगाव घाट ता. केज ) यास ताब्यात घेऊन त्याच्या कडून पथकाने १२ हजार ४९५ रुपयांची देशी व विदेशी दारू जप्त केली आहे. याप्रकरणी संतोष कोठावळे याच्याविरुद्ध गुन्हा दाखल झाला आहे.
उत्तरेश्वर पिंप्रीत मटका बुकीवर छापा
फौजदार वैभव सारंग, पोलीस नाईक भागवत निरडे, पो. काँ. महादेव बहिरवाळ, बजरंग इंगोले यांच्या पथकाने उत्तरेश्वर पिंपरी येथे मटका बुकीवर छापा मारून कल्याण मटका जुगार घेताना आरोपी छत्रभुज चंदनशिव ( रा. उत्तरेशवर पिंपरी ता. केज ) यास ताब्यात घेऊन त्याच्याकडून कल्याण मटका जुगाराचे साहित्य व रोख २ हजार ६३० रुपये जप्त केले. त्याच्याविरुद्ध गुन्हा दाखल झाला आहे.