केज दि.१२ – म्हैस लावल्याचे पैसे मागितल्यावरून एका ३२ वर्षीय तरुण शेतकऱ्याच्या डोक्यात दगड फेकून मारत डोके फोडल्याची घटना आरणगाव ( ता. केज ) येथे १० ऑक्टोबर रोजी दुपारी २.३० वाजेच्या सुमारास घडली. याप्रकरणी एक जणाविरुद्ध केज पोलिसात गुन्हा दाखल झाला आहे.
आरणगाव ( ता. केज ) येथील नारायण दौलत सिरसट ( वय ३२ ) या तरुण शेतकऱ्याने १० ऑक्टोबर रोजी दुपारी २.३० वाजेच्या गावातील ऋषीकेश रामलिंग भांगे यांना म्हैस लावलेले पैसे मागितले. त्यावरून ऋषीकेश याने दगड फेकून नारायण सिरसट यांच्या डोक्यात मारला. त्यात नारायण डोके फुटून गंभीर दुखापत झाली. अशी फिर्याद नारायण सिरसट यांनी दिल्यावरून ऋषीकेश भांगे याच्याविरुद्ध केज पोलिसात गुन्हा दाखल झाला. पोलीस नाईक चंद्रकांत काळकुटे हे तपास करत आहेत.