केज दि.२० – गंगामाऊली शुगर (अशोकनगर, उमरी ता.केज या कारखान्यात मागच्या पंधरा दिवसांपूर्वी खासदार रजनीताई पाटील, माजीमंत्री अशोकराव पाटील, चेअरमन लक्ष्मणराव मोरे व संत महंतांच्या उपस्थितीत मोळी टाकली आणि प्रत्यक्ष गाळपाला सुरुवात झाली.कारखान्याची दुरुस्ती अतिशय काटेकोरपणे केल्याने कसल्याही प्रकारचा अडथळा न येता गाळप सुरू झाले व उत्कृष्ट दर्जाची साखर बाहेर पडण्यास सुरुवात झाली.
गाळप झालेल्या पहिल्या साखर पोत्यांचे पूजन अतिशय उत्साहात करण्यात आले.यावेळी कारखान्याचे व्हाईस चेअरमन हनुमंत मोरे, संचालक राहुल सोनवणे, कार्यकारी संचालक प्रवीण मोरे, संचालक अविनाश मोरे, मुख्य कार्यकारी अधिकारी बी.वाय. मुजावर, चीफ इंजिनिअर श्री.पतंगे, चीफ केमिस्ट श्री.सरवदे, शेतकी अधिकारी अविनाश आदनाक यांच्यासह इतरही मान्यवरांची उपस्थिती होती.
दरम्यान गंगामाऊली शुगर कारखाना पूर्ण क्षमतेने सुरू झाल्याने परिसरातील शेतकरीवर्ग सुखावला आहे.