व्हॉइस ऑफ मीडियाची राज्य कार्यकारिणी जाहीर……!

बीड दि.२६ – जिल्हा पत्रकारितेतील एक बहुआयामी व्यक्तिमत्व तथा दैनिक प्रजापत्र चे सहसंपादक संजय मालानी यांची वाईस ऑफ मीडियाच्या राज्य उपाध्यक्षपदी निवड झाल्याचे पत्र नुकतेच त्यांना प्रदान करण्यात आले.
पत्रकारांच्या न्याय हक्कासाठी राष्ट्रीय स्तरावर काम करणारी एक संस्था म्हणून वाईस ऑफ मीडिया या संघटनेकडे पाहिल्या जाते. वाईस ऑफ मीडिया यामध्ये ज्येष्ठ आणि पत्रकारिता क्षेत्रांमध्ये नाव कमावलेले व्यक्ती एकत्र आलेले आहेत. आणि याचाच एक भाग म्हणून बीड जिल्ह्यातील एक ज्येष्ठ पत्रकार तथा दैनिक प्रजापत्राचे सहसंपादक संजय मालानी यांच्या पत्रकारिता क्षेत्रातील योगदानामुळे व्हाईस ऑफ मीडियाचे राष्ट्रीय अध्यक्ष संदीप काळे यांनी मालानी यांची राज्य उपाध्यक्ष म्हणून निवड केली आहे. रविवार दिनांक 25 रोजी बुलढाणा येथे आयोजित करण्यात आलेल्या व्हाईस ऑफ मीडियाच्या एका भव्य कार्यक्रमांमध्ये मालानी यांना राज्य उपाध्यक्ष पदाचे नियुक्तीपत्र देऊन जबाबदारी देण्यात आली. यावेळी पत्रकारितेसाठी व पत्रकारांसाठी आपण विविध प्रश्नांवर आवाज उठवून त्यांच्यासाठी सकारात्मक काम कराल अशी अपेक्षा व्यक्त केली.
यावेळी व्हाईस ऑफ मीडियाचे राष्ट्रीय स्तरावरील पदाधिकारी तसेच बीड जिल्हा व्हाईस ऑफ मीडियाचे अध्यक्ष बालाजी मारगुडे यांच्यासह अन्य मान्यवरांची उपस्थिती होती. संजय मालानी यांच्या निवडीबद्दल पत्रकारितेसह इतर क्षेत्रातूनही अभिनंदन होत असून योग्य व्यक्तीची सार्थ निवड झाल्याच्या प्रतिक्रिया व्यक्त होत आहेत.