नवी दिल्ली-भारतीय क्रिकेट संघातील धडाकेबाज खेळाडू ऋषभ पंतच्या कारला भीषण अपघात झाला असून, यामध्ये ऋषभ पंत गंभीर जखमी झाला आहे. दिल्लीहून ऋषभ घरी येत असताना त्याच्या कारला हा भीषण अपघात झाल्याची माहिती समोर आली आहे.
‘रूरकीचयी नारसन सीमेवर हम्मदपुर झाल’ जवळील एका वळणावर ऋषभच्या कारचा अपघात झाला. यामध्ये ऋषभ गंभीर जखमी झाल्याने त्याला तातडीने दिल्लीतील रुग्णालयात दाखल करण्यात आलं आहे.ऋषभवर प्लास्टिक सर्जरी केली जाणार असल्याचीही माहिती समोर आली आहे. या भीषण अपघातीच माहिती मिळताच खानपुरचे आमदार उमेश कुमार हेदेखील रुग्णालयात पोहचले आहेत.