केज दि.३० – दरवर्षी प्रमाणे याही वर्षी सारणी (आ) येथे जागृत देवस्थान हनुमान जयंतीनिमित्त दि.३० पासून अखंड हरिनाम सप्ताहाला मोठ्या उत्साहात सुरुवात झाली. दि.३१ पासून संत नामदेव महाराज यांचे चरित्र कथा दररोज दुपारी २ ते ५ या वेळेत प्रसिद्ध कथा वक्ते ह.भ.प. शंकर महाराज शेवाळे हे सांगणार आहेत. तसेच नामवंत कीर्तनकारांची कीर्तन सेवा देखील होणार असून या महोत्सवात मोठ्या संख्येने भाविक भक्तांनी हजर राहण्याचे आवाहन समस्त सारणी (आ) ग्रामस्थांच्या वतीने करण्यात आले आहे.
तालुक्यातील जागृत देवस्थान असलेल्या सारणी (आ) येथील हनुमान जयंतीनिमित्त संत नामदेव महाराज यांचे चरित्र व दररोज संध्याकाळी नामवंत महाराजांचे कीर्तन होणार आहेत. प्रकाश महाराज बोधले यांच्या मार्गदरशनाखाली होत असलेल्या या सप्ताहात दि.३० रोजी संध्याकाळी प्रकाश महाराज साठे, दि.३१ रोजी दादा महाराज रंजाळे, दि.१ एप्रिल रोजी आण्णासाहेब महाराज बोधले, दि.२ रोजी शंकर महाराज शेवाळे, दि.३ रोजी महादेव महाराज राऊत, दि.४ रोजी नामवंत कीर्तनकार, बाळू महाराज गिरगावकर, दि.५ रोजी रामायणाचार्य पांडुरंग महाराज शितोळे (आळंदी), दि.६ एप्रिल रोजी मधुकर महाराज सायाळ यांचे रात्री दररोज ९ ते ११ या वेळेत कीर्तन होईल. तर दि.५ एप्रिल रोजी रात्री ११ वाजता जमदग्नी महाराज परळी वै. व फड सर परभणी यांचा भारुड जुगलबंदी कार्यक्रम होणार आहे. दि.६ एप्रिल रोजी दुपारी १२ वाजता गाड्या ओढण्याचा कार्यक्रम होईल तर दि.७ रोजी सकाळी ९ ते ११ या वेळेत प्रकाश महाराज बोधले यांचे काल्याचे कीर्तन होईल. त्यानंतर ग्रामस्थांच्या वतीने महाप्रसाद होणार आहे. तरी या कार्यक्रमाचा लाभ घेण्याचे आवाहन समस्त भजनी मंडळ, युवक मंडळ, गावकरी मंडळ सारणी (आ) यांच्या वतीने करण्यात येत आहे.