संभाजीनगर दि.३ – छत्रपती संभाजीनगर शिक्षक मतदार संघातून निवडणूक लढलेले प्रा.किरण पाटील यांच्यावर पक्षाने मोठी जबाबदारी सोपवत मराठवाड्यातील प्रमुख चार पदाधिकाऱ्यांमध्ये प्रा. किरण पाटील यांची वर्णी लावली असून त्यांचेवर आता पक्षाने प्रदेश चिटणीस पदाची जबाबदारी दिली आहे.
राज्याचे उपमुख्यमंत्री देवेंद्र फडणवीस व भाजपा चे प्रदेशाध्यक्ष चंद्रशेखर बावनकुळे यांचे निकटवर्तीय म्हणून ओळखले जाणारे प्रा.किरण पाटील यांना पक्ष संघटनेत मोठी जबाबदारी देण्यात आली आहे. पक्षाने जाहीर केलेल्या विविध पदाधिकाऱ्यांच्या नियुक्ती मध्ये मराठवाड्यातून चार जणांना प्रदेश कार्यकारणी मध्ये चिटणीस पदावर संधी देण्यात आली. यामध्ये किरण पाटील यांची वर्णी लागल्याने संभाजीनगरसह सर्वत्र आनंद व्यक्त केला जात आहे. त्यांच्या या निवडीबद्दल अभिनंदन सर्व स्तरातून अभिनंदन होत आहे.