केज दि.१० – राष्ट्रीय काँग्रेस पक्षाच्या केज तालुक्याच्या निवडी नुकत्याच जाहीर झाल्या. त्यामध्ये खा. रजनीताई पाटील यांच्या शिवनेरी निवासस्थानी झालेल्या बैठकीत केज तालुकाध्यक्ष पदी प्रवीण खोडसे यांची निवड करण्यात आली. यावेळी खा.रजनीताई पाटील, माजी मंत्री अशोक पाटील,आदित्य पाटील, बीड जिल्हाध्यक्ष राजेसाहेब देशमुख, उपाध्यक्ष राहुल सोनवणे, पशुपतिनाथ दांगट, प्रवीणकुमार शेप, यांच्या हस्ते निवडीचे पत्र देण्यात आले.
आगामी निवडणुका लक्षात घेत बीड जिल्हा राष्ट्रीय काँग्रेस पक्षाच्या कार्यकारणीत बदल करण्यात आल्या आहेत.त्यामध्ये नवीन चेहऱ्यांना संधी देण्यात आल्या. खा.रजनीताई पाटील ,राहुल भैया सोनवणे यांचे खंदे समर्थक म्हणून प्रवीण खोडसे यांची ओळख आहे.गेल्या अनेक वर्षांपासून ते राजकारणात सक्रिय आहेत.केज तालुक्यात प्रवीण खोडसे यांना मानणारा मोठा वर्ग आहे. सर्वसामान्य कार्यकर्त्याल्या संधी दिल्याने मित्रपरिवारातून आनंद व्यक्त केला जात आहे.