केज दि.22 – टेम्पोला दुचाकीची पाठीमागून धडक लागल्याने दुचाकी वरील एक जण जागीच ठार झाल्याची घटना आंबेजोगाई तालुक्यातील पाटोदा – ममदापूर या रस्त्यावर घडली आहे.
आंबेजोगाई तालुक्यातील पाटोदा रोडवर टेम्पोला दुचाकीची मागून धडक लागली. यामध्ये तालुक्यातील वाघाळा येथील एका युवकाचा जागीच मृत्यू झाला आहे. सदरील घटना सायंकाळी सहा ते सातच्या दरम्यान घडली असून अपघातग्रस्ताचे नाव समजू शकलेले नाही.
सदरील घटनेची माहिती मिळताच 108 चे डॉक्टर सचिन कस्तुरे, पायलट मकरंद घुले आणि मेकॅनिक विठ्ठल कांबळे यांनी तातडीने घटनास्थळी धाव घेतली. मात्र सदरील दुचाकीस्वाराचा जागीच मृत्यू झालेला होता.सदरील अपघात नेमका कसा झाला हे पोलीस तपासात निष्पन्न होईल.