केज दि.२१ – २२ जानेवारी २०२४ रोजी प्रभू श्रीराम जन्मभूमीत होत असलेल्या भव्य प्रतिष्ठापणा कार्यक्रमा निमित्त केज शहरात देखील सोमवारी अनेक कार्यक्रम आयोजित केले आहेत.
यामध्ये सकाळी ६ वा श्रीराम मंदिरात अभिषेक करण्यात येणार असून सकाळी ९ वा श्रीराम मंदिर, बालाजीमंदिर, आंबेडकर चौक, मंगळवार पेठ, शनी मंदिर, श्रीराम मंदिर येथून शोभायात्रा निघेल.तर डॉ. चाटे यांच्या प्रतिभा नर्सिंग होम येथे श्रीराम मंदिर प्रतिष्ठापणा कार्यक्रम चे प्रक्षेपण , श्रीराम यांचे पुजन, प्रसाद तसेच भव्य आतीषबाजी सकाळी ७ ते १;३० वाजेपर्यंत होईल.
तसेच दुपारी ३;३० ते ७ भव्य शोभायात्रा निघणार असून वकीलवाडी हनुमान मंदिर, कानडी रोड, छत्रपती शिवाजी महाराज चौक, मेन रोड, मंगळवार पेठ, गुंड गल्ली, श्रीराम मंदिर असा मार्ग असेल. तर आज दि. २१ रोजी सायंकाळी ७ वा प्रतिभा नर्सिंग होम येथे दिपोत्सव होईल, सोमवार दि. २२ जानेवारी रोजी सायंकाळी ७ वाजता दिपोत्सव, सामुदायिक हनुमान चालीसा पठण व महाआरती वकीलवाडी हनुमान मंदिर केज येथे होईल.
दरम्यान, कीज नगर पंचायतने सोमवारी सकाळी संपूर्ण स्वच्छता करावी, शोभायात्रेच्या मार्गावर पाणी शिंपडावे अशी विनंती करण्यात आली आहे. मात्र सर्व व्यापारी बांधवानी नगर पंचायत वर विसंबून न राहता आपल्या दुकानासमोर झाडून घेऊन स्वच्छता करावी, दारासमोर पाणी शिंपडावे, रांगोळी काढावी, शोभायात्रेवर पुष्पवर्षाव करावा व प्रभु श्रीराम प्रतिष्ठापित होत असल्याने सर्व केज वासीयांनी कार्यक्रमात सहभागी होण्याचे आवाहन करण्यात आले आहे.