केज दि.२७ – शहरातील ज्ञानप्रबोधिनी प्राथमिक शाळेच्या माजी विद्यार्थ्यांनी उच्च शिक्षणामध्ये आपले कौशल्य दाखवतविविध गुणवत्ता सिद्ध केल्यामुळे प्राथमिक शाळेच्या वतीने त्यांचा सत्कार करण्यात आला. ज्ञानप्रबोधिनी प्राथमिक शाळेचे विद्यार्थी रोहित राजाभाऊ सोनवणे आणि अश्विनी बालाजी लोंढे या दोन विद्यार्थ्यांचा शाळेच्या वतीने सत्कार करण्यात आला. दोन्ही विद्यार्थ्यांनी आपले प्राथमिक शिक्षण ज्ञानप्रबोधिनी शाळेत पूर्ण केले. अश्विनी बालाजी लोंढे हिने स्पर्धा परीक्षेमध्ये यश मिळवत कृषी अधिकारी पद प्राप्त केले तर रोहित राजाभाऊ सोनवणे हा विद्यार्थी नीट परीक्षेच्या माध्यमातून एमबीबीएस ला प्रविष्ट झाला. अशा या गुणी विद्यार्थ्यांचा सत्कार शाळेचे मुख्याध्यापक दयानंद देशमुख तसेच सर्व कर्मचाऱ्यांच्या वतीने करण्यात आला.
