केज दि.18 – आज जिल्ह्यातील सहा तालुक्यात रॅपिड अँटीजन टेस्ट राबवण्यात आली. यामध्ये केज शहरातील सरस्वती प्रश्नाला, वसंत विद्यालय तसेच जि. प. शाळा या तीन ठिकाणी तपासणी करण्यात आली. यामध्ये एकूण 684 व्यावसायिकांच्या टेस्ट घेण्यात आल्या असता 19 अहवाल पॉजिटिव्ह आढळून आले आहेत. संबंधित व्यावसायिकांना उपचारासाठी पाठवण्यात आले असून आणखी दोन दिवस सदरील मोहीम राबविण्यात येणार असल्याची माहिती मुख्याधिकारी विशाल भोसले व तालुका आरोग्य अधिकारी डॉ.विकास आठवले यांनी दिली. दरम्यान केजची अंतिम आकडेवारी जाहीर करण्यात आली असून 684 टेस्ट पैकी 19 टेस्ट पॉजिटिव्ह आल्याची माहिती देण्यात आली आहे.