केज दि.१९ – विधानसभा निवडणुकीच्या मतदानाला अवघे काही तास उरलेले आहेत. आता प्रशासनाच्या वतीने पूर्ण तयारी झाली असून मतदानाच्या कामासाठी नेमलेले कर्मचारी आपापल्या नेमणुकीच्या ठिकाणी रवाना होऊ लागलेले आहेत. सर्वच उमेदवारांनी अगदी जीवाचे रान केलेले आहे आणि याचे फळ आता नेमके कुणाला मिळते ? याची उत्सुकता शीगेला लागली आहे.
केज विधानसभा मतदारसंघांमध्ये एकूण तीन लाख 87 हजार 221 मतदारांची नोंद आहे. यामध्ये 202620 हे पुरुष मतदार आहेत तर 184595 एवढे महिला मतदार आहेत. एकूण 420 मतदान केंद्रावर मतदान पार पडणार आहे. यासाठी मतदान यंत्रे सज्ज झाली असून 210 मतदान केंद्रांवर सीसीटीव्ही कॅमेरे कार्यान्वित करण्यात आलेले आहेत. मतदान प्रक्रिया सुरळीत पार पडण्यासाठी 45 झोनल अधिकारी तर 82 बसेसची व्यवस्था करण्यात आलेली आहे.
दरम्यान, आज 19 तारखेला मतदान पथकांना साहित्य वितरीत करण्यात आले असून प्रचार यंत्रणा सकाळपासूनच आपापल्या नेमणुकीच्या ठिकाणी रवाना होत आहे.