केजमध्ये तरुणावर ब्लेडने वार 

   शहरातील क्रांतीनगर भागातील किरण विजय भुइंगळे ( वय २५ ) हा तरुण ११ ऑक्टोबर रोजी रात्री ८ ते ८.३० त्याच्या घरासमोर उभा असताना उमेर मुस्तफ फारोकी ( रा. रोजा मोहल्ला, केज ) हा त्याच्या जवळ गेला. त्याने मी रस्त्याने जात असताना तू रस्त्यामध्ये का उभा राहतो असे म्हणत जातीवाचक शिवीगाळ करून किरण याच्या कानाखाली चापट मारली. त्यामुळे किरण याने उमेर याच्या गच्चीस धरले असता उमेर याने हातातील ब्लेडने किरण याच्या पाठीवर व डाव्या हातावर वार केले. यात किरण हा रक्तबंबाळ होऊन जखमी झाला. १४ ऑक्टोबर रोजी रात्री ११ वाजेच्या सुमारास किरण भुइंगळे याने दिलेल्या फिर्यादीवरून उमेर मुस्तफ फारोकी याच्याविरुध्द केज पोलिसात ऍट्रॉसिटीचा गुन्हा दाखल झाला आहे. केजचे प्रभारी उपविभागीय पोलीस अधिकारी लगारे हे पुढील तपास करत आहेत.