जळगाव | नुकतंच भाजपला सोडचिठ्ठी देऊन राष्ट्रवादीमध्ये प्रवेश केलेल्या एकनाथ खडसे यांच्या गाडीला अपघात झाला आहे. खुद्द एकनाथ खडसे यांनी स्वतः यासंदर्भात माहिती दिली आहे.
यासंदर्भात एकनाथ खडसे यांनी ट्विट केलं आहे. खडसे ट्विटमध्ये म्हणतात, “आज अमळनेरहून जळगावकडे येताना धरणगाव नजिक माझ्या गाडीला किरकोळ अपघात झाला. गाडीचा वेग कमी असल्याने व चालकाच्या प्रसंगावधाने आणि आपल्या सर्वांच्या आशीर्वादाने आम्ही सर्व सुखरूप आहोत. कोणालाही इजा झालेली नाही.”
अमळनेरमधील कार्यक्रम आटोपून खडसे त्यांच्या गाडीने जळगावकडे परत येत होते. धरणगाव- जळगाव महामार्गावर गाडीचं टायर फुटलं. मात्र ड्रायव्हरने गाडीवर नियंत्रण मिळवलं.संध्याकाळी साडेपाचच्या सुमारास ही घडली. यामध्ये खडसे सुखरुप असून अपघात झालेली गाडी जागेवरच सोडून ते दुसर्‍या वाहनाने जळगावकडे रवाना झाले.