वाशीम दि.1 – विना अनुदानित शिक्षकांच्या व्यथा जगासमोर आणण्यासाठी उमेदवार उपेंद्र पाटील मानोरा येथील मतदान केंद्रावर चक्क बनियानवर पोहचले आणि सर्वांचे लक्ष केंद्रित केले.
अमरावती विभागातून शिक्षक संघटनांचे एकूण २७ उमेदवार या निवडणुकीच्या रिंगणात आहेत. कोरोनामुळे शाळा बंद असल्याने व दिवाळीच्या सुट्ट्यांमुळे शिक्षकांशी संपर्क साधने कठीण झाले आहे. विना अनुदानीत शिक्षकाच्या व्यथांवर लक्ष केंन्द्रीत करण्यासाठी शर्ट कढून उमेदवारी दाखल केल्याने प्रसिध्दीच्या झोतात आलेल्या उमेदवारानी लग्न संमारंभात सुध्दा विना शर्ट बनियनावर हजेरी लावुन वरतीचे लक्ष वेधले होते.
बनियानवर आलेले उमेदवार पाहिल्यावर कारण विचारले असता हाती माईक घेऊन विना अनुदानीत शिक्षकाच्या व्यथा काय असतात या वर मत मांडले यावेळी सर्वांचे डोळे पानावल्या शिवाय राहिले नाहीत.