केज दि.६ – तुझी शेळी आमच्या तुरीच्या शेतात का आली ? असे म्हणत तालुक्यातील टाकळी येथे तरुणास कोयत्याने मारहाण केल्याची घटना घडली आहे.
तालुक्यातील टाकळी शिवारातील डोनगाव शेतात दि. ५ रोजी सायंकाळी आश्रूबा श्रीहरी घुले (रा.टाकळी ता.केज) हे म्हैस व शेळ्या चारत होते. दरम्यान रामकीसन दत्तू घुले, अशोक रामकीसन घुले या दोघांनी संगनमत करून तुझी शेळी आमच्या शेतात का आली ? अशी कुरापत काढली. तसेच रामकीसन घुले याने आश्रूबा घुले यांस कोयता फेकून मारत जखमी केले तर अशोक घुले याने दगडाने मारहाण करत जीवे मारण्याची धमकी दिली.
आश्रूबा श्रीहरी घुले यांच्या फिर्यादीवरून रामकीसन व अशोक घुले यांच्या विरोधात गुन्हा नोंद झाला असून पुढील तपास पोलीस निरीक्षक प्रदीप त्रिभुवन यांच्या मार्गदर्शनाखाली जमादार दिनकर पुरी हे करत आहेत.