बीड दि.१० -रिसील ऑर्गनायझेशन मुंबई च्या वतीने दिला जाणारा सन २०२० चा बेस्ट आर्टिस्ट ऑफ दि इयर कॅटेगरी चा स्टायलिश आयकॉन पुरस्कार केजचे प्रसिद्ध चित्रकार प्रा. ज्ञानेश कलढोणे यांना जाहीर झाला आहे.
रविवार दिनांक २० डिसेंबर रोजी नाशिक येथे या पुरस्काराचे मोठ्या दिमाखात वितरण होणार आहे. प्रसिद्ध मराठी सिनेअभिनेत्री तथा जय मल्हार या मराठी सीरिअल मधील म्हाळसा फेम सुरभी हांडे यांच्या उपस्थितीत हा सोहळा होणार असल्याचे आयोजकडुन सांगण्यात आले. अन्य दिग्गज कलाकारांचाही या सोहळ्यात सन्मान करण्यात येणार आहे. संपूर्ण भारतातून १०० पुरस्कार जाहीर झाले असून त्यापैकी कलाक्षेत्रातील पुरस्कार प्रा. ज्ञानेश कलढोणे यांना जाहीर झाला आहे. त्याबद्दल त्यांचे अनेक माध्यमातून कौतुक होत आहे.