पुणे दि.१४ – पुण्यातील पोलीस स्टेशनमध्ये स्वच्छतागृहाची काच फोडून महिलेने आत्महत्या करण्याचा प्रयत्न केला असल्याची धक्कादायक घटना घडली आहे.
दि. 13 डिसेंबर रोजी भारती विद्यापीठ पोलीस स्टेशनमध्ये उज्वला चोरगे नामक या 30 वर्षीय महिलेने दुपारी आत्महत्येचा प्रयत्न केला. पोलिसांनी दिलेल्या माहितीनूसार भारती विद्यापीठ पोलीस स्टेशनमध्ये एक गुन्हा दाखल आहे. या गुन्ह्याबाबत चौकशीसाठी पोलिसांनी उज्वला यांना पोलीस ठाण्यात बोलाविण्यात आलं होतं. चौकशी दरम्यान उज्वला यांनी लघुशंकेचा बहाणा करत त्या पोलीस ठाण्यातील महिला स्वच्छतागृहात गेल्या. तेथील आरशाची काच फोडून त्यांनी आत्महत्येचा प्रयत्न केला असल्याचे पोलिसांनी सांगितलं आहे. याप्रकरणी उज्वला यांच्याविरुद्ध गुन्हा दाखल करण्यात आला आहे.