मुंबई दि.१५ – आज सामनातून भाजवर जोरदार टीका करण्यात आली आहे. पक्षनेते देवेंद्र फडणवीस यांनी केलेल्या टीकेवर सामनाच्या अग्रलेखातून प्रत्युत्तर देण्यात आलं असूूून याच पार्श्वभूमीवर भाजप आमदार अतुल भातखळकर यांनी शिवसेनेवर जोरदार प्रहार केला आहे.
दरम्यान सत्तेवर असूनही ज्यांच्या तुतारीची पिपाणी झाली त्यांनी देवेंद्र फडणवीसांच्या सुरांची चिंता करू नये. आजवर महाराष्ट्रात डौलाने फडकणारा भगवा खाली खेचण्याची तुमचे पोलीस हिंमत करतात हे राज्याचे चित्र आहे. शिवसेनेच्या चेहऱ्यावर जमलेल्या हिरव्या शेवळाची चिंता करा, असं अतुल भातखळकर यांनी म्हटलं आहे. फडणवीसांना बऱ्याच दिवसांनी सूर लागला असं वाटत होतं, पण पहिली तान घेताच त्यांना टीकेची उबळ आली आणि सूर बिघडून गेले. कोणत्या वेळी कोणता राग गावा याचं शास्त्र आहे. पण शास्त्रीय गायन सुरू असतानाच ‘डीजे’ लावावा तसं घडलं असल्याचं सामनाच्या अग्रलेखात म्हटलं होतं.
दरम्यान, देवेंद्र फडणवीसांनी अधिवेशनाच्या अगोदर एक दिवस पत्रकार परिषद घेत मराठा आरक्षण, कोरोना काळात झालेला भ्रष्टाचार इ. मुद्यांवरून ठाकरे सरकारवर टीका केली होती.