परभणी दि.३० – तालुक्यातील पिंपरी देशमुख येथील रहिवासी तथा गावचे पोलीस पाटील प्रकाश कहाते यांची महाराष्ट्र पोलीस पाटील महासंघाच्या मराठवाडा विभागीय सचिवपदी निवड झाली असून परभणी जिल्हा पोलीस पाटील संघटनेच्या महिलाध्यक्षपदी मीराताई दुधाटे यांची निवड झाली आहे.
त्यांच्या या निवडीबद्दल दिनांक 30/12/2020 रोजी सकाळी ताडकळस पोलीस स्टेशन येथे सहायक पोलीस निरीक्षक वसंत मुळे, पीएसआय सतिश तावडे यांनी प्रकाश कहाते व मीराताई दुधाटे यांचा सत्कार करून शुभेच्छा दिल्या. यावेळी पोलीस कर्मचारी व पोलीस पाटलांची मोठ्या प्रमाणावर उपस्थिती होती.
