बीड दि.३० – जिल्ह्यातील कोरोनाचा संसर्ग कमी झाल्याने नागरिकांना थोडासा दिलासा मिळाला आहे. मात्र असे असताना कोरोनाच्या संसर्गाने टाकळसिंग येथील माध्यमिक शिक्षकाचा अहमदनगर येथील एका रुग्णालयात मृत्यू झाल्याची घटना घडली आहे.
9 वी ते 12 वी पर्यंत शाळा सुरू केल्यानंतर सदरील शिक्षक व त्यांची पत्नी कोरोना चाचणीत बाधित आढळून आले होते.पत्नी कोरोना मधून नीट झाली. मात्र हे शिक्षक काही दिवस घरी राहिल्यानंतर त्यांना त्रास जाणवू लागल्याने त्यांना आष्टी येथील खाजगी कोविड केंद्रात दाखल करण्यात आले होते.तिथेही त्यांची प्रकृती न सुधारल्याने त्यांना अहमदनगर येथील खाजगी कोविड हॉस्पिटलमध्ये दाखल करण्यात आले. मात्र आज सायंकाळी त्यांचा दुर्दैवी मृत्यू झाला.