बीड दि.७ – ऊसाने भरुन चाललेल्या ट्रॅक्टरच्या ट्रेलरवर कार येऊन धडकल्याने कारमधील पती-पत्नी जागीच ठार झाले आहेत. तर अन्य तीन जण जखमी झाले आहेत. ही घटना बुधवारी मध्यरात्री दीड वाजता भेंड खुर्द नजीक माजलगाव पाथर्डी राष्ट्रीय महामार्ग रस्त्यावर घडली.
पोलिसांनी दिलेल्या माहितीनुसार छत्रपती साखर कारखान्यावर ऊस घेऊन निघालेल्या ट्रकटरला गढी कडून येणाऱ्या कार ने जोराची धडक दिली. कारचालकाचे नियंत्रण सुटल्याने हा अपघात घडला असल्याचे पोलिसांनी सांगितले. कारमधील दोघे पतीपत्नी जागीच ठार झाले असून घटनेची माहिती मिळताच पोलीस घटनास्थळी दाखल झाले. या प्रकरणी ग्रामीण पोलिसांनी गुन्हा दाखल केला आहे. परभणी जिल्ह्यातील बनवस येथील कुटुंब नातलगाच्या विवाह सोहळ्याला औरंगाबाद येथे (एम एच 24 व्ही- 9257 ) कारने निघाले असता बुधवारी रात्री दीडच्या सुमारास भेंड खुर्द नजिक समोर ऊसाने भरुन चाललेल्या ट्रॅक्टरच्या ट्रेलरमध्ये कार घुसल्याने कारमधील व्यकंट विश्वनाथ बल्लोरे (60) सुलोचना व्यंकट बल्लोरे (50) हे पती-पत्नी जागीच ठार झाले. तर अन्य तिघे जखमी झाले आहेत.