नवी दिल्ली दि.१४ – केंद्रीय मंत्री जितेंद्र सिंह यांनी सरकारी नोकर भरतीसाठी सप्टेंबरमध्ये सीईटी आय़ोजित करण्यात येईल असं म्हटलं आहे. ही परीक्षा ऑनलाइन घेण्यात येणार असून सीईटी परीक्षेचं आयोजन करण्यासाठी केंद्रीय मंत्रीमंडळाच्या मंजुरीने एनआरएची स्थापना करण्यात आली आहे. तरुणांना विशेषत: सरकारी नोकरीसाठी इच्छूक असलेल्या उमेदवारांसाठी सीईटी या वर्षी देशभरात आय़ोजित केली जाईल. ज्यामधून सरकारी नोकर भरतीसाठी उमेदवारांची निवड करता येणार असल्याची माहिती पीटीआयशी बोलताना सांगितलं. सप्टेंबर 2021 च्या दरम्यान या परीक्षा होण्याची शक्यता त्यांनी व्यक्त केली.
स्टाफ सिलेक्शन कमीशन, रेल्वे रिक्रूटमेंट बोर्ड आणि इन्स्टिट्यूट ऑफ बँकिंग पर्सनल रिक्रूटमेंट बोर्ड्स सारख्या सध्याच्या केंद्रीय रिक्रूटमेंट एजन्सी त्यांच्या गरजेनुसार भरती करू शकतील. सीईटी फक्त नोकरीसाठी उमेदवारांच्या सुरुवातीच्या स्क्रीनिंगसाठी असणार आहे असंही राज्यमंत्र्यांनी स्पष्ट केलं.