केज दि.२० – भारज इन्फॉर्मेशन टेक्नॉलॉजी च्या वतीने घेण्यात आलेल्या Tally ERP 9.0 परीक्षेत न्यू इंटेल कॉम्प्युटर्स केजचा विद्यार्थी तेजस नायकोडे याने 98% घेऊन राज्यात प्रथम येण्याचा मान मिळवला आहे.
तेजस हा तालुक्यातील कोठी या गावचा रहिवासी असून शेतकरी कुटुंबातील आहे. हलाखीच्या परिस्थिती मधून शिक्षण घेत त्याने यशावर आपले नाव कोरले आहे.
दरम्यान त्याचे शिक्षण चालू असताना त्यांच्यातील गुणवत्ता हेरून त्यास गुरुदत्त बॅटरी चे बाळासाहेब खुणे यांनी त्यास नोकरीची ऑफर दिली. तेजस सध्या तेथे काम करत असून सर्व स्तरातून अभिनंदन होत आहे. न्यू इंटेल कॉम्प्युटर्स चे संचालक गणेश सत्वधर यांनीही त्याचे अभिनंदन करून शुभेच्छा दिल्या आहेत.