बीड दि.१२ – शहरातील वैष्णवी नगर भागातील एका रो हाऊस मध्ये स्वतः च्या फायद्यासाठी तिर्रट नावाचा जुगार खेळणारे पाचजण बीड पोलिसांच्या विशेष पथकाने जेरबंद करून सुमारे 207830/- रुपयांचा मुद्देमाल ताब्यात घेतला आहे.
बीड पोलिसांच्या विशेष पथकाला दि. 11/04/2021 रोजी संध्याकाळी 8 च्या सुमारास बीड-नगर हायवे रोडवरुन चऱ्हाटा गावाकडे जाणारे रोडचे उजवे बाजुस वैष्णवी नगर येथे असणारे रोहाऊस मथील भाडेकरुन चरणदास महादेव काळे यांचे घराचे दूसरे मजल्यावर एका बंद रुममध्ये तिर्रट नावाचा जुगार खेळल्या जात असल्याची माहिती मिळाल्यावरून त्या ठिकाणी छापा टाकला. त्यावेळी तिथे आदिनाथ सुर्यभान कोटेकर रा. गयानगर, विकास विष्णु काळे रा. रविराज मंगल कार्यालय जुना मोंढा, बीड, सिद्धेश्वर अरुण हिंगमिरे रा.एम.आय.डी.सी.हनुमाननगर बीड व उद्धव अभिमान घोलप रा.तळेगाव ता.बीड, सुहास बाबासाहेब मुंजाळ रा. इंडीया कॉलनी बीड हे पाच जण जुगार खेळताना आढळून आले.
सदरील ठिकाणावरून जुगाराचे साहीत्य, नगदी 33830/-रु मोबाईल 34000/-रू. व कार 140000/-रु असा एकुण-207830/ रु. चा मुद्देमाल हस्तगत करण्यात आला.
सदरील कारवाई विशेष पथकाचे पथक प्रमुख एपीआय विलास हजारे व त्यांच्या सहकाऱ्यांनी केली. पोलीस कर्मचारी सादेक शमशेर खॉं पठाण यांच्या फिर्यादीवरून पोलिसांत गुन्हा नोंद करण्यात आला असून पोउपनि श्री.रोटे हे करत आहेत.