केज दि.10 – नेकनूर ते केज दरम्यान चालत्या टेम्पोतील ३३ हजार रु च्या किराणा सामानाच्या चोरीची घटना घडली आहे. दि ९ मे रात्री ९:०० ते १०:०० वा. च्या दरम्यान केजच्या दिशेने येणाऱ्या टेम्पोतील ९ गोडे तेलाचे डब्बे व ४ चना बेसनचे कट्टे असे एकूण ३३ हजार २९४ रु चे सामान अज्ञात चोरट्यानी नेकनूर ते केज दरम्यान चोरून नेले आहे.
दरम्यान टेम्पोचा चालक जनार्धन उत्तम उघडे याच्या तक्रारी वरून केज पोलीस ठाण्यात अज्ञात चोरट्या विरुद्ध गुन्हा दाखल करण्यात आला असून पोलीस निरीक्षक प्रदीप त्रिभुवन यांच्या मार्गदर्शनाखाली धनपाल लोखंडे हे पुढील तपास करीत आहेत.