केज दि.२५ – तालुक्यातील माळेगाव ते लोखंडी सावरगाव राज्य रस्त्याची अतिशय दयनीय अवस्था झाली आहे. दुचाकी तसेच चारचाकी वाहन धारकांना मोठी कसरत करावी लागत आहे. अत्यावश्यक वेळी रुग्णांना दवाखान्यात घेऊन जाताना रस्त्यावरील खड्ड्यांमुळे मोठे संकट उभे राहत आहे. सदरील रस्त्याची तात्काळ दुरुस्ती करण्याची मागणी संभाजी ब्रिगेड च्या वतीने निवेदनाद्वारे केली असून तीव्र आंदोलनाचा इशारा देण्यात आला आहे.निवेदनावर अमर धपाटे, सुरज चौधरी, संदीप शितोळे, विलास गुंठाळ यांच्या स्वाक्षऱ्या आहेत.
