मुलाला किडनी देतो म्हणत शेतकऱ्याची फसवणूक, तोतया पोलिसांच्या जाळ्यात…..!

                         उस्मानाबाद जिल्ह्यातील तेरखेडा बावी येथील नितीन सुतार या तरुणाच्या गेल्या तीन वर्षांपासून दोन्ही किडन्या निकामी झाल्या होत्या. याचाच गैरफायदा घेत नात्यातील प्रदीप सुतार याने स्वतः डॉक्टर असल्याचे सांगत सरकारी योजनेतून किडन्या मिळवून देतो असे सांगत त्या तरुण व तरुणाच्या वडीला कडून 1 लाख 70 हजार रुपय देखील घेतले. मात्र पैसे देऊन तीन वर्षांचा कालावधी लोटला तरी तो किडनी ही देत नाही आणि पैसे ही परत करत नसल्याने हताश झालेल्या नितीन च्या वडिलांनी त्या तथाकथित डॉक्टर चा शोध घेतला असता तो डॉक्टर च नसल्याचा धक्कादायक प्रकार समोर आला.

                सदरील भामटा 12 वर्षा पासून आपण डॉक्टर असल्याचे सांगून अनेक लोकांना फसवत असल्याचे समोर आले असता त्यांनी प्रदीपशी संपर्क करून पैसे मागितले असता मी डॉक्टरच नाही मी तुला पैसे देऊ शकत नाही, तुला काय करायचे ते करून घे असा दम त्याने नितीन च्या वडिलांना दिला असता त्यांनी बार्शी पोलिसात तक्रार दिली व बोगस डॉक्टर प्रदीप सुतार वर अनेक गंभीर गुन्हे दाखल झाले असून बार्शी पोलिसांनी त्याला अटक देखील केली आहे.

दरम्यान बोगस डॉक्टर प्रदीप सुतार गेली बारा वर्षा पासून बार्शी, कोल्हापूर, सांगली या परिसरात वैद्यकीय व्यवसाय करत होता. या कालावधीत त्याने अनेक लोकांना फसवल्याचा संशय देखील व्यक्त करण्यात येत असून त्या अनुषंगाने पोलीस तपास करत आहेत.