केज दि.२ – तालुक्यातील आडस येथे एका घरामध्ये भडका झाल्याची माहिती समोर आली असून त्यामध्ये एका महिलेचा जागेवर मृत्यू झाला आहे तर अन्य एक महिला गंभीर जखमी झाली असून सदर महिलेला आंबेजोगाईच्या स्वामी रामानंद तीर्थ दवाखान्यामध्ये उपचारार्थ दाखल करण्यात आले आहे.
तालुक्यातील आडस येथे इंगळे यांच्या घरामध्ये भडका झाला. यामध्ये कमल इंगळे वय 25 वर्षे ही महिला जागेवर मृत्यू पावली. तर लोचनाबाई या गंभीर जखमी झाल्या असून त्यांना रुग्णवाहिकेचे पायलट मकरंद घुले व डॉ.जगदीश वैष्णव यांनी घटनास्थळी धाव घेऊन आंबेजोगाई येथे उपचारार्थ दाखल करण्यात आले आहे.
सदरील भडका झाल्यानंतर घराची सुद्धा मोठ्या प्रमाणावर पडझड झाली असून स्फोट नेमका कशाचा झाला हे अद्याप स्पष्ट झालेले नाही.