आंबेजोगाई दि. 18 – तालुक्यातील मोरफळी ते आंबेजोगाई या रस्त्यावर एसटी महामंडळाच्या बसचा अपघात झाला असून यामध्ये सुमारे 20 ते 25 लोक जखमी झाल्याची घटना घडली आहे. विशेष म्हणजे या जखमींपैकी बहुतांश लोक हे ज्येष्ठ नागरिक आहेत.
मोरफळी ते आंबेजोगाई ही गाडी दुपारी रस्त्याच्या कडेला पलटी झाली. यामध्ये 20 ते 25 प्रवासी जखमी झाल्याची प्राथमिक माहिती मिळत आहे. यामध्ये अंतराबाई प्रभू करणार, अच्युत संतराम गडदे, कल्याण भाऊराव खोडवे, रंगनाथ श्रीपती थोरवे, अच्युत आण्णा गडदे, भास्कर गडदे, प्रभाकर लिंबाजी खरात, सुलाबाई प्रभाकर खरात, नामदेव लक्ष्मण सुरवसे यांच्यासह आणखीन 15 ते 20 प्रवासी जखमी झाले.
सदरील अपघाताची माहिती मिळताच 108 च्या डॉक्टर स्वप्नजा स्वामी आणि पायलट सरवदे यांनी तात्काळ घटनास्थळी धाव घेतली आणि जखमींना आंबेजोगाईच्या दवाखान्यामध्ये उपचारार्थ दाखल केले आहे.
दरम्यान, इतर जखमींनाही अन्य 108 रुग्णवाहिकेने डॉ.सचिन सूर्यवंशी व पायलट उमेश हंगे यांनी आणले असून त्यांची नावे मिळू शकलेली नाहीत.