केज दि.२७ – गुरुवारी तालुक्यातील युसूफ वडगाव नजीक एका युवकाचा दुचाकी ट्रॅक्टर अपघातात मृत्यू झाल्याची घटना घडली.आणि त्यातच पुन्हा नेकनूर ते मांजरसुम्भा दरम्यान तालुक्यातील बेंगळवाडी येथील दुचाकी वरील तरुणाचा मृत्यू झाल्याची घटना समोर आली आहे.
तालुक्यातील बेंगळवाडी येथील महादेव त्रिंबक पवार (अंदाजे वय 35) हा तरुण शुक्रवारी सायंकाळी नेकनूर ते मांजरसुम्भा दरम्यान आपल्या दुचाकीवरून चालला असता अज्ञात वाहनाने धडक दिली. त्यात महादेव पवार हा गंभीर जखमी झाला. घटना घडल्यानंतर सदरील तरुणाला नेकनूर येथील दवाखान्यात उपचारार्थ दाखल केले. नेकनूर येथे प्राथमिक उपचार करून पुढील उपचारासाठी बीड येथे हलवण्यात आले होते.परंतु वाटेतच सदर तरुणाचा मृत्यू झाला.
दरम्यान, दिवसेंदिवस अपघाताचे प्रमाण वाढत चालले असून खबरदारी घेण्याची गरज निर्माण झाली आहे.