बीड दि.१६ – मागच्या काही महिन्यापूर्वी केज पोलीस स्टेशनला रुजू झालेले पीआय बाळासाहेब पवार यांची केजहुन बदली झाली असून त्यांच्यासह युसुफ वडगाव पोलीस स्टेशनचे एपीआय योगेश उबाळे त्याचबरोबर नेकनूर पोलीस ठाण्याचे एपीआय विलास हजारे यांचीही बदली झाली आहे.
जिल्ह्यातील पाच पोलीस निरीक्षक, 13 सहायक पोलीस निरीक्षक तर 11 पोलीस उपनिरीक्षकांच्या बदल्यांचे आदेश निघाले आहेत.यामध्ये अत्यंत शांत आणि कर्तव्यनिष्ठ केजचे पीआय बाळासाहेब पवार हे धाराशिव येथे बदलीवर गेले असून युसुफ वडगाव पोलीस ठाण्याचे तरुण आणि तडफदार एपीआय योगेश उबाळे यांची जालना येथे बदली करण्यात आली आहे.नेकनूर पोलीस ठाण्याचे कार्यकुशल एपीआय विलास हजारे यांचीही धाराशिव येथे बदली झाली आहे.
दरम्यान, बाळासाहेब पवार यांच्या जागी अद्याप कुणाच्या नियुक्तीचे आदेश आलेले नसून कुणाची वर्णी लागते याकडे केजकरांचे लक्ष आहे.