पुणे – दि.१९ – राष्ट्रवादीला फुकटची सत्ता मिळाली आहे, नाही ते आरोप करुन डोक्यात जाऊ नका. तुम्ही जर नम्रपणे वागलात तर सर्व गोष्टी मार्गी लागतील, असं म्हणत भाजप प्रदेशाध्यक्ष चंद्रकांत पाटील यांनी राष्ट्रवादीवर निशाणा साधला आहे.
भाजपविषयी उघडपणे बोललेलं यापुढे सहन करणार नाही, असा इशारा चंद्रकांत पाटलांनी राष्ट्रवादी कॉग्रेसला दिला आहे. ते पुण्यात माध्यमांशी बोलत होते.भारतीय जनता पार्टी हवेवर चालणारा पक्ष असेल तर राष्ट्रवादी कॉग्रेस हा झोपेत चालणारा पक्ष आहे, त्यांना झोपेमध्ये स्वप्न पडतात, असं म्हणत चंद्रकांत पाटील यांनी मंत्री नवाब मलिक यांनी केलेल्या टीकेला प्रत्युत्तर दिलं आहे.
दरम्यान, मागच्या सरकारच्या काळात महावितरण फायद्यात चालले होते. त्यावेळी महावितरणने इनकम टँक्स भरला आहे. आताच्या राज्य सरकारला वीज बिलाबाबत लोकांना न्याय देता येत नाही आणि भाजपवर आरोप केले जात आहेत, असं चंद्रकांत पाटील म्हणाले.