केज दि.१५ – तालुक्यातील शिंदी ते नामेवाडी पाटी दरम्यान झालेल्या अपघातात संतोष बळीराम केदार वय (२७ वर्ष) राहणार गप्पेवाडी याचा मृत्यू झाला आहे.
दि. १५ नोव्हेंबर सोमवार रोजी सायंकाळी ७ वा. च्या दरम्यान संतोष बळीराम केदार (२७) रा. गप्पेवाडी ता. केज हा युवक मोटार सायकल वरून जात असताना झालेल्या अपघातात त्याचा मृत्यू झाला आहे. सदरील अपघात नेमका कसा झाला हे अद्याप स्पष्ट झालेले नसून डोक्याला मार लागल्याने तरुणाचा मृत्यू झाल्याचे सांगण्यात आले.
दरम्यान जखमी संतोष केदार यास नातेवाईक उपचारासाठी केज येथील उपजिल्हारुग्णालयात घेऊन आले होते परंतु डॉक्टरांनी सदरील तरुणाची तपासणी करून मृत घोषित केले.
