केज दि.१७ – केज नगरपंचयात निवडणूक चार दिवसांवर आलेली आहे. प्रचाराची रणधुमाळी सुरू झाली असून काँग्रेस च्या वतीने काल भव्य मोटारसायकल रॅली काढून प्रचाराला सुरुवात करण्यात आली.विविध वार्डात मोटारसायकल रॅली पोहोचल्याने शहर दणाणून गेले होते.
काँग्रेस पक्षाच्या वतीने खासदार रजनी ताई पाटील आणि माजीमंत्री अशोकराव पाटील यांच्या नेतृत्वाखाली नगरपंचयात निवडणुकीत अनुभवी आणि विकासाची जाण असलेले उमेदवार उभे केलेले आहेत.मागच्या दहा वर्षात केलेल्या विकास कामाच्या जोरावर निवडून देण्याचे आवाहन करण्यात येत आहे. त्याच अनुषंगाने उमेदवारांच्या प्रचाराला दि.१६ रोजी मोटारसायकल रॅली काढून सुरुवात करण्यात आली. बीड जिल्हा कॉंग्रेसचे अध्यक्ष राजेसाहेब देशमुख, जेष्ठ नेते सुरेश तात्या पाटील, युवानेते आदित्य पाटील, काँग्रेसचे उपाध्यक्ष राहुल सोनवणे यांचा प्रमुख उपस्थितीत निघालेल्या रॅलीत असंख्य तरुणांसह मतदार नागरिक मोठ्या संख्येने सहभागी झाले होते. काढण्यात आलेली रॅली शहरातील संपूर्ण वार्डातील प्रमुख रस्त्यावरून मार्गस्थ झाल्याने शहर दणाणून गेले होते. यामध्ये विविध समाजाच्या धार्मिक स्थळावर थांबून श्रीफळ वाहून,चादर चढवून आशीर्वाद घेण्यात आले.
यावेळी पशुपतीनाथ दांगट, प्रविणकुमार शेप, हाजीमौला सौदागर, अमर पाटील, कपिल मस्के, बाळासाहेब ठोंबरे, शकील इनामदार, दलिल इनामदार, समीर देशपांडे, शितल दांगट, विद्या पाटील, दुर्गा भन्साळी, शहनवाज सौदागर, मुज्जू तांबोळी, मीना मस्के, सुलोचना ठोंबरे, कविता कराड, सारिका सिरसट, सुदर्शना हजारे, तांबोळी फातेमा बेगम, यांच्यासह काँग्रेसचे पदाधिकारी, कार्यकर्ते तसेच नागरिकांची मोठ्या संख्येने उपस्थिती होती.
