”प्रजापत्र” चे अष्टपैलू व्यक्तिमत्त्व समीर लव्हारे यांना क्रीडा पत्रकारिता पुरस्कार जाहीर…..!

बीड दि.६ – दै.प्रजापत्रचे कार्यकारी संपादक समीर लव्हारे यांना त्यांच्या क्रिडा पत्रकारितेबद्दल ‘लोकप्रभा’ सन्मान जाहीर झाला आहे. लवकरच अखिल भारतीय मराठी साहित्य संमेलनाचे नियोजित अध्यक्ष भारत सासणे यांच्या हस्ते या पुरस्कारांचे वितरण होणार असल्याचे संतोष मानूरकर यांनी कळविले आहे. दिव्य लोकप्रभा परिवाराच्या वतीने बीड जिल्ह्यात पत्रकारितेच्या क्षेत्रात कार्यरत असलेल्या व्यक्तींचा सन्मान करण्यात येत आहे.

               बीड जिल्ह्यात पत्रकारितेच्या विविध क्षेत्रात लिखाण करणार्‍या पत्रकारांचा गौरव लोकप्रभा सन्मानाने केला जात असल्याची माहिती दिव्य लोकप्रभाचे संतोष मानूरकर यांनी दिली. दर्पणदिनाचे औचित्य साधून त्यांनी हे पुरस्कार जाहीर केले असून क्रिडा क्षेत्रातील पत्रकारितेबद्दल प्रजापत्रचे कार्यकारी संपादक समीर लव्हारे यांचा सन्मान केला जाणार आहे. लव्हारे यांच्या या सन्मानाबद्दल त्यांचे विविध स्तरातून अभिनंदन होत आहे.