बाहेरून आलेल्या नागरिकांनी सक्तीने कॉरंटाईन व्हावे – राहुल रेखावर

            सरकारच्या वतीने लग्न समारंभासरख्या कार्यक्रमाला ५०  तर अंत्यविधीसाठी मयताच्या १० सख्या नातेवाईकां उपस्थित राहण्याची अनुमती दिली आहे. मात्र सदरील विधीसाठी कांही लोक बाहेर राज्यातून व जिल्ह्यातून येत असून कार्यक्रमात थेट सामील होत आहेत. त्यामुळे कोरोनाचा धोका वाढण्याची शक्यता आहे.

        त्यामुळे बाहेर राज्यातून व जिल्ह्यातून येणाऱ्या नागरिकांनी कार्यक्रमात थेट सामील न होता २८ दिवस कॉरंटाईन राहणे बंधनकारक आहे. जेणे करून संसर्गाचा धोका कमी होईल. मात्र कांही लोक नियमांचे पालन करताना दिसून येत नाहीत. मात्र यापुढे असे निदर्शनास आले तर कार्यक्रमाचे आयोजक व कॉरंटाईन न होता थेट सामील झालेल्या नातेवाईकांवर कठोर कारवाई करण्याचे आदेश जिल्हाधिकारी राहुल रेखावर यांनी एका प्रसिद्धी पत्रकाद्वारे दिले आहेत.