नवी दिल्ली दि.११ – केंद्र सरकारने 1 जानेवारी रोजी पीएम किसान योजनेअंतर्गत शेतकऱ्यांच्या खात्यात 2000 रुपयांचा 10 वा हप्ता ट्रान्सफर केला आहे. मात्र तरीही असे अनेक शेतकरी आहेत ज्यांना दहावा हप्ता ट्रान्सफर केला गेलेला नाही. अशा शेतकऱ्यांना आपल्या खात्यात हप्ता कधी येणार, याची चिंता आहे. मात्र आता निराश होण्याचे कारण नाही, कारण 31 मार्चपर्यंत शिल्लक राहिलेल्या शेतकऱ्यांच्या खात्यात डिसेंबर-मार्चचा हप्ता जमा होईल.
केंद्र सरकारने देशभरातील 10.09 कोटींहून जास्त शेतकऱ्यांना 20,900 कोटी रुपयांहून जास्त रक्कम ट्रान्सफर केली आहे. तुमच्या खात्यात अद्याप पैसे आलेले नसतील तर तुम्ही या क्रमांकांवर तक्रार करू शकता.अनेकांची नावे आधीच्या यादीत होती, मात्र नवीन यादीत नाही. मागच्या वेळी पैसे आले मात्र यावेळी आलेले नसतील तर तुम्ही पीएम किसान सन्मानच्या हेल्पलाइन नंबरवर तक्रार नोंदवू शकता. यासाठी तुम्ही हेल्पलाइन नंबर 011-24300606 वर कॉल करू शकता.ज्या शेतकऱ्यांना अद्याप 9 व्या हप्त्याचा लाभ मिळालेला नाही, त्यांच्या खात्यात दोन हप्त्यांचे पैसे एकत्र येतील म्हणजेच त्यांच्या खात्यात 4000 रुपये ट्रान्सफर होतील. ही सुविधा फक्त त्याच शेतकऱ्यांसाठी उपलब्ध असेल ज्यांनी 30 सप्टेंबरपूर्वी नोंदणी केली आहे.
दरम्यान, यादीत तुमचे नाव आहे की नाही हे पाहण्यासाठी सर्वप्रथम PM किसान योजनेच्या अधिकृत वेबसाइट https://pmkisan.gov.in वर जा.होमपेजवर तुम्हाला Farmers Corner चा पर्याय दिसेल.Farmers Corner विभागात Beneficiaries List पर्यायावर क्लिक करा.त्यानंतर ड्रॉप डाउन सूचीमधून राज्य, जिल्हा, उपजिल्हा, ब्लॉक आणि गाव निवडा.Get Report वर क्लिक करा. त्यानंतर संपूर्ण यादी येईल. यामध्ये तुम्ही तुमचे नाव पाहू शकता.
