केज दि.१८ – ओबीसी आरक्षणामुळे पुढे ढकललेल्या जिल्ह्यातील पाच नगरपंचयात च्या 20 जागांसाठी आज मतदान होत आहे. यामध्ये केज नगरपंचयात च्या चार जागांसाठी मतदान सुरू असून उद्या दि. 19 रोजी एकूण 17 प्रभागाचा निकाल घोषित करण्यात येणार आहे.
केज नगरपंचयात मध्ये एकूण सतरा जागा आहेत.ओबीसी आरक्षणामुळे दि.२१ डिसेंबर ला 13 जागांसाठी मतदान झाले होते.परंतु चार जागेंचा निवडणूक कार्यक्रम पुढे ढकलल्याने तो निकालही राखीव ठेवण्यात आला होता. परंतु उद्या सर्वच प्रभागांची मतमोजणी होणार असून निकाल जाहीर करण्यात येणार आहे.केजमधील वार्ड क्रमांक 1, 2, 8 आणि 12 साठी मतदान होत असून यामध्ये काँग्रेस, राष्ट्रवादी, शिवसेना, जनविकास आघाडीसह एकूण 21 उमेदवार रिंगणात आहेत.प्रत्येक पक्षाने प्रतिष्ठा पणाला लावली असून बहुमताकडे सर्वांच्या नजरा लागल्या आहेत.
आज सकाळपासून मतदानाला सुरुवात झाली असून मतदान शांततेत पार पडावे यासाठी तगडा पोलीस बंदोबस्त ठेवला आहे.सकाळी 10 वाजेपर्यंत 10 ते 12 टक्के मतदान झाल्याची माहिती असून रांगा लावून मतदार मतदानाचा हक्क बजावताना दिसत आहेत.
