बीड दि.११ – मागच्या कांही दिवसांपूर्वी वाढलेल्या कोरोना रुग्णांच्या पार्श्वभूमीवर जिल्ह्यातील केवळ 10 वी बारावी आणि नंतर कांही दिवसांनी आठवी नववीच्या वर्गाला परवानगी देण्यात आली होती.परंतु आता कोरोनाची रुग्णसंख्या आटोक्यात आली असून पहिली पासून शाळा भरवण्यास दि.१४ (सोमवार) पासून जिल्हाधिकारी राधा विनोद शर्मा यांनी परवानगी दिली आहे. त्यामुळे मागच्या कित्येक दिवसांपासून लांब राहिलेले प्राथमिक शाळेतील विद्यार्थी आता शाळेत जाणार असल्याने शाळा शिक्षणाच्या प्रवाहात येणार आहेत.
